ಯತಿ ಸ್ವಂತೀ -153


02-06-2018

ಶ್ರೀಕಂಠರಾಯರ ಮಗ ರಾಮಕೃಷ್ಣ ಮ್ಯಾಥ್ಸ್ ತಗೋತಿದ್ದರು. ಯಾರಾದರೂ ಗಲಾಟೆ ಮಾಡಿದರೆ ಚಾಕ್ ಪೀಸ್ ಮುರಿದು ಅದರ ತುಂಡನ್ನು ತಮ್ಮ ಎಡಗೈಯಿಂದ ಎಸೆಯುತ್ತಿದ್ದರು. ಅವರು ಲೆಫ್ಟ್ ಹ್ಯಾಂಡರ್. 
ಹುಡುಗರಿಗೆ ಇದರಿಂದ ಪ್ರಚಂಡ ಐಡಿಯಾ ಬಂತು. ಆಗ ಬರುತ್ತಿದ್ದ ಪಿಂಕ್ ಬಣ್ಣದ ಬಬ್ಬಲ್ ಗಂ ಅನ್ನು ಒಂದು ಬಟರ್ ಕಾಗದದಲ್ಲಿ ಸುತ್ತಿರುತ್ತಿದ್ದರು. ಅದನ್ನು ಕೆಲವು ಮಡಿಕೆ ಮಡಿಚಿ, ಆಂಗ್ಲ ಭಾಷೆಯ ವಿ ಶೇಪಿನಲ್ಲಿ ಬೆಂಡ್ ಮಾಡಿ ಬಾಯಲ್ಲಿ ರಬ್ಬರ್ ಬ್ಯಾಂಡ್ ಕಚ್ಚಿಕೊಂಡು ಈ ಕಾಗದವನ್ನು ಬಾಣದಂತೆ ಸೆಳೆದು ಬಿಟ್ಟರೆ ಯಾರಿಗೆ ಹೋಗಿ ತಾಕುತ್ತಿತ್ತೋ ಅವರಿಗೆ ಕೆಲವು ಕ್ಷಣಗಳ ಕಾಲ ಬಿಸಿ ಆಗುತ್ತಿತ್ತು. ನೋವು ಕೂಡ!
ಇದೊಂದು ಆಟವಾಯಿತು ತರಗತಿಯಲ್ಲಿ. ರಾಮಕೃಷ್ಣರ ಲೆಫ್ಟ್ ಹ್ಯಾಂಡ್ ಚಾಕ್ ಪೀಸ್ ಥ್ರೋ ಮತ್ತು ಇದು...
ಒಂದು ದಿನ ಹಿಡಿದರು. ಎಲ್ಲರನ್ನೂ ಚೆಕ್ ಮಾಡತೊಡಗಿದಾಗ ಆ ಬಟರ್ ಕಾಗದವನ್ನು ಪ್ಯಾಂಟಿನ ಫೋರ್ಕ್‌ನಲ್ಲಿ ಬೈತಿಟ್ಟರು ಹುಡುಗರು.
ಇನ್ನೊಮ್ಮೆ ಪುಟ್ಟ ಕಲ್ಲುಗಳನ್ನು ತರಗತಿಯಲ್ಲಿ ತೂರಾಡಿದರು ಹುಡುಗರು ಮೇಷ್ಟ್ರು ಇಲ್ಲದಾಗ. ತಲೆ ಬಗ್ಗಿಸಿ ಕೂತವನು ತಲೆ ಎತ್ತಿ ನಕ್ಕೆ.
ರೊಂಯ್ ಎಂದು ಬಂದ ಕಲ್ಲಿನ ಚೂರೊಂದು ನನ್ನ ಹಲ್ಲಿನ ಚೂರೊಂದು ಹೊರ ಬೀಳುವ ಹಾಗೆ ಮಾಡಿತ್ತು.
ಆಟ ಆಡಿಕೊಂಡೇ ಎಸ್ ಎಸ್ ಎಲ್ ಸಿ ಮುಟ್ಟಿದೆ...

Comments

Post a Comment

Popular posts from this blog

ಯತಿ ಸ್ವಂತೀ-317

  14-11-2018 ಮರುದಿನ ಶ್ರೀಕಾಕುಳಂಗೆ ಹೋದೆ. ಪುನರಾಯಾನ್ ಅದೇ ಕಥೆ. ಭೇಟಿಗಳನ್ನು ಮುಗಿಸಿ, ವೈಜಾಗ್ ಹಿಂದಿರುಗಿದೆ. ಮರುದಿನ ಬೆಳಗ್ಗೆ ಆರು ಗಂಟೆಗೆ ಛೇರ್ ಕಾರ್ ರೈಲಿನಲ್ಲಿ ಕುಳಿತು ಸಾಮರ್ಲಕೋಟ ತಲುಪಿದೆ. ನಾನು ಕಾಕಿನಾಡಕ್ಕೆ ಹೋಗಬೇಕಿತ್ತು. ಸಾಮರ್ಲಕೋಟದಿಂದ ಟ್ಯಾಕ್ಸಿ ಬಾಡಿಗೆಗೆ ಗೊತ್ತು ಮಾಡಿಕೊಂಡೆ. ದಾರಿಯಲ್ಲಿ ಎಡಗಡೆ ನನ್ನ ಕಣ್ಣಿಗೆ ಬಿತ್ತು ಆ ಶಾಲೆ. ಸರಸ್ವತೀ ವಿದ್ಯಾಪೀಠಂ! ಯಂಡಮೂರಿ ಅವರ ವಿಶಿಷ್ಟ ಶಾಲೆ. ಹೈಸ್ಕೂಲ್ ವಿದ್ಯಾರ್ಥಿಗಳು ಒಂದು ದಿನ ಅಲ್ಲಿಗೆ ಬಂದು ಸ್ವಾವಲಂಬನೆಯ ಅನೇಕ ಪಾಠಗಳನ್ನು ಕಲಿಯುತ್ತಾರೆ. ಮಕ್ಕಳನ್ನು ಸರಸ್ವತೀ ವಿಗ್ರಹದ ಮುಂದೆ ನಿಲ್ಲಿಸಿ ಒಳ್ಳೆಯ ಬುದ್ಧಿಯಿಂದ ಇರುತ್ತೇನೆ. ನನ್ನ ತಾಯಿ ತಂದೆಯರನ್ನು ಚೆನ್ನಾಗಿ ನೋಡಿಕೊಳ್ಳುತ್ತೇನೆ ಎಂದು ಪ್ರತಿ ವಿದ್ಯಾರ್ಥಿಯ ಬಳಿ ಆಣೆ ಮಾಡಿಸಿಕೊಳ್ಳುತ್ತಾರೆ. ಮುಂದಿನ ಪೀಳಿಗೆಗೆ ತಮ್ಮದೇ ರೀತಿಯಲ್ಲಿ ಪಾಠ ಹೇಳುವುದನ್ನು ರೂಢಿಸಿಕೊಂಡಿದ್ದಾರೆ ಯಂಡಮೂರಿ ಅವರು. ಕೆಲವು ಫೋಟೋ ತೆಗೆದುಕೊಂಡು ಕಾಕಿನಾಡ ತಲುಪಿದೆ. ಅಲ್ಲಿನ ಪಾರ್ಟ್‌ನರ್ ಮತ್ತು ಸರ್ಕಾರಿ ಅಧಿಕಾರಿಗಳ ಭೇಟಿ ಮಾಡಿದೆ. ಹದಿನೈದು ದಿನಗಳ ಕಾಲ ಹನ್ನೊಂದು ಊರುಗಳು! ಆಯಾಸ ಸಾಕಷ್ಟು  ... ಉಹೂಂ ಬೇಕಾದಷ್ಟು ಆಗಿತ್ತು. ಸಂಜೆ ಐದೂವರೆಗೆ ಶೇಷಾದ್ರಿ ಎಕ್ಸ್‌ಪ್ರೆಸ್ ಹತ್ತಿ ಮರುದಿನ ಮಧ್ಯಾಹ್ನ ಹನ್ನೆರಡು ಗಂಟೆಗೆ ಬೆಂಗಳೂರು ತಲುಪಿದೆ. ಇನ್ನು ಮುಂದೆ ಹೋಗಲಾರೆ ಇಷ್ಟು ದೊಡ್ಡ ಮತ್ತು ದೀರ್ಘ ಟೂರ್ ಎಂದು...
Read more

ಯತಿ ಸ್ವಂತೀ-318

  15-11-2018 ಇನ್ನು ನೂರು ದಿನಗಳ ಕಾಲ ರೀಜಿನಲ್ ಆಫೀಸ್‌ನಲ್ಲಿದ್ದೆ. ಒಮ್ಮೆ ಹೆಡ್ ಆಫೀಸ್‌ಗೆ ಹೋಗಿ, ಹಿಂದೆ ನನ್ನ ಸಹೋದ್ಯೋಗಿ ಆಗಿದ್ದಾತ ಈಗ ಮಾರ್ಕೆಟಿಂಗ್ ಹೆಡ್ ಆಗಿದ್ದರು, ಅವರನ್ನು ಕಂಡೆ. 'ಸಾಹೇಬರೇ.. ನನಗೆ ನನ್ನ ಸಾಮರ್ಥ್ಯವನ್ನು ಪೂರ್ಣ ಉಪಯೋಗ ಮಾಡೋಂಥ ಕೆಲಸ ಬೇಕು ಅನ್ಸುತ್ತೆ. ನಿಮ್ಮ ಕಡೆ ಯಾವುದಾದರೂ ಓಪನಿಂಗ್ ಇರಬಹುದಾ?' ಎಂದು ಕೇಳಿದೆ. ನೋಡೋಣ ಎಂದರು. ಆ ಹುಲ್ಲುಕಡ್ಡಿಯನ್ನೇ ಭದ್ರವಾಗಿಟ್ಟುಕೊಂಡು ಅವರ ಕರೆಗೆ ಕಾದೆ. ನಾಲ್ಕು ತಿಂಗಳುಗಳ ನಂತರ ಆ ಕರೆ ಬಂದಿತ್ತು. ಆ ದಿನ ನನ್ನ ಇಂಜಿನಿಯರಿಂಗ್ ಸಹಪಾಠಿಯ ಮಗನ ಮುಂಜಿ ಮತ್ತು ನನ್ನ ಭಾವ ಮೈದುನನ ಮನೆಯ ಗೃಹಪ್ರವೇಶ. ರಜೆ ಹಾಕಿದ್ದೆ ಆ ದಿನ. ಅಂದು ಬಂದಿತ್ತು ಕರೆ -' ನಿನ್ನನ್ನು ತಕ್ಷಣವೇ ಮಾರ್ಕೆಟಿಂಗ್ ಡಿಪಾರ್ಟ್‌ಮೆಂಟ್‌ಗೆ ವರ್ಗ ಮಾಡಲಾಗಿದೆ' ಎಂದಿದ್ದರು ನನ್ನ ಪ್ರಸ್ತುತ ಬಾಸ್. ಬಹಳ  ಸಂತೋಷ ಆಯಿತು. ಆದರೆ ನನ್ನ ಮುಂದೆ ದೊಡ್ಡ ಟಾಸ್ಕ್ ಇತ್ತು. ನನ್ನ ಈ ವರ್ಗದಿಂದಾಗಿ  ಹೊಸ ಸ್ಥಾನದಲ್ಲಿ ನನ್ನ ಸಾಮರ್ಥ್ಯದ ಪುರಾವೆ ನೀಡಿ, ನನ್ನ ವರ್ಗ ಸರಿಯಾದದ್ದು ಎಂದು ಸಾಬೀತು ಪಡಿಸಬೇಕಿತ್ತು. ಈ ಪುರಾವೆ ನೀಡೋದು, ಸಾಬೀತು ಮಾಡೋದು ನನ್ನ ಜನ್ಮಕ್ಕಂಟಿದ ಹಾಗೆ ಕಾಣುತ್ತದೆ!
Read more

ಯತಿ ಸ್ವಂತೀ -86

27-03-2018 ಪ್ರಾಯಶಃ 1983 ಇರಬಹುದು. ನನ್ನ ಅಮ್ಮ ಪ್ರಜಾಮತ ವಾರಪತ್ರಿಕೆ ಓದಿ 'ಈ ಹಾಳು ಕಾದ್ರಾ ಮುಂದಿನ ವಾರ ಆ ಪಾಪದ ಹುಡುಗಿ ತುಳಸಿಗೆ ಏನು ಕಾಟ ಕೊಡ್ತಾನೋ!' ಎಂದಾಗ ಅರೆ! ನನ್ನ ಅಮ್ಮ ಧಾರಾವಾಹಿ ಓದಿ ಈ ರೀತಿ ರಿಯಾಕ್ಟ್ ಆಗ್ತಿರೋದು ಇದೇ ಮೊದಲನೇ ಸಲ ಎಂದುಕೊಂಡೆ. ಆ ಧಾರಾವಾಹಿ ಬರೆದವರಾರೆಂದು ನೋಡಿದೆ. ಯಂಡಮೂರಿ ವೀರೇಂದ್ರನಾಥ್. ತೆಲುಗು ಮೂಲ. ಕನ್ನಡಕ್ಕೆ :ಬೇಲೂರು ಕೃಷ್ಣಕುಮಾರ್. ಓ ಇದು ಅನುವಾದ. ಸಾಮಾನ್ಯವಾಗಿ ಯದ್ದನಪೂಡಿ ಸುಲೋಚನಾ ರಾಣಿ ಮುಂತಾದ ಮಹಿಳಾ ಲೇಖಕಿಯರ ಕಾದಂಬರಿಗಳು ಕನ್ನಡಕ್ಕೆ ಬರುತ್ತಿದ್ದವು. ಈಗ ಯಾರೋ ಗಂಡಸರ ಕಾದಂಬರಿ ಎಂದುಕೊಂಡೆ. ಅಷ್ಟೇ. ಮುಂದೊಂದು ದಿನ ಬಿ. ವಿ. ವೈಕುಂಠ ರಾಜು ಅವರ 'ವಾರಪತ್ರಿಕೆ'ಯಲ್ಲಿ ಅಷ್ಟಾವಕ್ರ ಅನ್ನೋ ಧಾರಾವಾಹಿ ಅಕಸ್ಮಾತ್ ಓದಿದೆ. ಅಷ್ಟೇ! ದಬ್ಬೆಂದು ಅವರ ಶೈಲಿಗೆ ಬಿದ್ದು ಹೋದೆ. ಅಬ್ಬಾ... ಈ ಅನುವಾದವೇ ಇಷ್ಟು ಚೆನ್ನಾಗಿದ್ದರೆ ಇನ್ನು ಮೂಲಭಾಷೆಯಲ್ಲಿ ಹೇಗಿರಬಹುದು! ನಾನು 1969-72 ಹೈಸ್ಕೂಲ್ ಓದುವಾಗ ನನ್ನ ಗೆಳೆಯ ಪ್ರಸಾದ್ ಮನೆಯಲ್ಲಿ ಆಂಧ್ರಪ್ರಭ ವಾರಪತ್ರಿಕೆಯಲ್ಲಿ ಸಿನಿಮಾ ಪುಟದಲ್ಲಿ ತಾರೆಯರ ಚಿತ್ರಗಳ ಕೆಳಗೆ ಮುದ್ರಿಸಲ್ಪಟ್ಟಿದ್ದ ಅವರ ಹೆಸರುಗಳನ್ನು ಓದುತ್ತಿದ್ದೆ. ಕೆಲವು ಅಕ್ಷರಗಳನ್ನು ಓದಲು ಸಾಧ್ಯವಾಗುತ್ತಿಲ್ಲವೆನಿಸಿದಾಗ ಪ್ರಸಾದ್ ಅಕ್ಕಂದಿರಾದ ನಾಗವೇಣಿ ಮತ್ತು ವಿಮಲ ನನಗೆ ಅವನ್ನು ಓದಲು ಸಹಾಯ ಮಾಡುತ್ತಿದ್ದರು. ಈಗ ತೆಲುಗು ಕಲಿಯಲೇಬೇಕು. ನನ...
Read more